پاکستان میں سونے کی قیمت میں پھر 1900 روپے کی کمی

کراچی: عالمی مارکیٹ کے ساتھ پاکستان میں بھی پیر کو سونے کی قیمت میں کمی ہوئی ہے۔

آل پاکستان جیمز اینڈ جیولرز ایسوسی ایشن (اے پی جی جے اے) کے مطابق ملک میں ایک تولہ سونے کی قیمت 2,00,100 روپے ہوگئی۔

پاکستان میں ایک تولہ سونے کی قیمت میں 1900 روپے کی کمی ہوئی ہے۔ جبکہ 10 گرام سونا 1,629 روپے کمی کے ساتھ 1,71,553 روپے پر بند ہوا۔

آل پاکستان جیمز اینڈ جیولرز ایسوسی ایشن کے مطابق عالمی مارکیٹ میں سونے کی قیمت میں 15 ڈالر کی کمی ہوئی اور نئی قیمت 1923 ڈالر فی اونس ہوگئی۔