جی این این سوشل

پاکستان

حج درخواستوں کی وصولی کا عمل نامزد بینکوں میں جاری

حج درخواستیں کارآمد پاسپورٹ 2024 کے ساتھ جمع کرائی جاسکتی ہیں

پر شائع ہوا

کی طرف سے

حج درخواستوں کی وصولی کا عمل نامزد بینکوں میں جاری
جی این این میڈیا: نمائندہ تصویر

آئندہ سال حج کیلئے سرکاری سکیم کے تحت درخواستوں کی وصولی کا عمل نامزد بینکوں میں جاری ہے۔

حج درخواستوں کی وصولی آئندہ ماہ کی بارہ تاریخ تک جاری رہے گی۔ حج درخواستیں کارآمد پاسپورٹ 2024 کے ساتھ جمع کرائی جاسکتی ہیں۔

حج درخواستیں پاسپورٹ کے ٹوکن کے ساتھ بھی جمع کروائی جاسکتی ہیں۔
 

پاکستان

پاکستان غیرملکی کمپنیوں کےساتھ باہمی طور پر فائدہ مند کاروباری شراکت داری چاہتاہے، صدر مملکت ڈاکٹر عارف علوی

پاکستان مختلف شعبوں میں بیرونی سرمایہ کاری اور جوائنٹ وینچرز کے فروغ کا خواہاں ہے

پر شائع ہوا

ویب ڈیسک

کی طرف سے

پاکستان غیرملکی کمپنیوں کےساتھ باہمی طور پر فائدہ مند کاروباری شراکت داری چاہتاہے، صدر مملکت ڈاکٹر عارف علوی

اسلام آباد: صدر مملکت ڈاکٹر عارف علوی نے کہا ہے کہ پاکستان اپنی معاشی صورتحال بہتر بنانے کیلئے برآمدات بڑھانے پر توجہ مرکوز کر رہا ہے، پاکستان غیرملکی کمپنیوں کےساتھ باہمی طور پر فائدہ مند کاروباری شراکت داری چاہتاہے۔

وہ بدھ کو ایوان صدر میں نمک اور معدنیات کے شعبے کی امریکی کمپنی کے وفد سے ملاقات کے دوران گفتگو کر رہے تھے۔وفد نے صدر مملکت کو نمک کی کان کنی ، پراسیسنگ اور مارکیٹنگ میں کمپنی کے کردار کے بارے میں بریفنگ دی۔

صدرمملکت ڈاکٹر عارف علوی نے کہا کہ پاکستان مختلف شعبوں میں بیرونی سرمایہ کاری اور جوائنٹ وینچرز کے فروغ کا خواہاں ہے ، پاکستانی نمک کی بہتر پراسیسنگ، پیکجنگ اور مارکیٹنگ سے قدر میں اضافہ کیا جا سکتا ہے، پاکستانی نمک اعلی ٰ معیار اور انتہائی کم سرمایہ کاری سے حاصل کیا جا سکتا ہے، حکومت سرمایہ کاروں کو سہولیات پہنچانے کیلئے پرعزم ہے، عالمی سطح پر پاکستانی نمک کی مانگ میں اضافے کیلئے اعلیٰ معیار کے نمک کی فراہمی کو یقینی بنانا ہوگا۔

صدر مملکت نے مریکل سالٹ ورکس کمپنی کو پاکستان میں سرمایہ کاری کرنے پر سراہا۔صدر مملکت نے مریکل سالٹ ورکس اور پاکستان منرل ڈویلپمنٹ کارپوریشن کے درمیان معاہدے پر دستخط کو بھی خوش آئند قرار دیا۔

وفد نےصدر مملکت کو زر مبادلہ کمانے میں پاکستانی نمک کی کانوں کی صلاحیت کے بارے میں بتایاکہ معیاری اور منرلز سے بھرپور راک سالٹ دنیا میں صرف پاکستان میں پایا جاتا ہے، پاکستانی نمک کم قیمت اور اعلی ٰ معیار کا حامل ہے۔

پڑھنا جاری رکھیں

تجارت

ملک میں سونے کی قیمت میں اضافے کا رجحان برقرار

فی تولہ سونا 2 لاکھ15  ہزار200 روپے کا ہوگیا، جیولرز

پر شائع ہوا

ویب ڈیسک

کی طرف سے

ملک میں سونے کی قیمت میں اضافے کا رجحان برقرار

ملک میں فی تولہ سونے کی قمیت میں مسلسل اضافے کا رجحان برقرار ہے۔

جیولرز کے مطابق چوبیس کیرٹ فی تولہ سونے کی قیمت میں 750 روپے کا اضافہ ہوگیا، فی تولہ سونا 2 لاکھ15  ہزار200 روپے کا ہوگیا جبکہ 10 گرام سونے کی قیمت 644 روپے اضافے سے ایک لاکھ 84 ہزار 500روپے ہوگئی۔

دوسری جانب عالمی منڈی میں بھی سونے کی قیمت میں مسلسل اضافہ دیکھا جارہا ہے،آج کاروبار کے دوان عالمی مارکیٹ میں 6 ڈالر کے اضافے سے فی اونس سونا 2048 ڈالر پر پہنچ گیا۔

 

پڑھنا جاری رکھیں

پاکستان

پی ٹی آئی کے نامزد وزیراعلیٰ پنجاب میاں اسلم اقبال کی راہداری ضمانت منظور

پشاور ہائیکورٹ کا شکرگزار ہوں مجھے ضمانت ملی، میاں اسلم اقبال

پر شائع ہوا

ویب ڈیسک

کی طرف سے

پی ٹی آئی کے نامزد وزیراعلیٰ پنجاب میاں اسلم اقبال کی راہداری ضمانت منظور

پشاور ہائیکورٹ نے پاکستان تحریک انصاف (پی ٹی آئی) کے نامزد وزیراعلیٰ پنجاب میاں اسلم اقبال کی راہداری ضمانت منظور کرلی۔

پشاور ہائیکورٹ کے جسٹس وقار احمد نے پی ٹی آئی کے نامزد وزیراعلیٰ پنجاب میاں اسلم کی راہداری ضمانت کی درخواست پر سماعت کی، عدالت نے میاں اسلم کی راہداری درخواست ضمانت منظور کرلی۔

وکیل درخواست گزار نے عدالت کو بتایا کہ درخواست گزار پر اسلام آباد، فیصل آباد اور لاہور میں 18 مقدمات درج ہے۔جسٹس وقار نے ایڈیشنل اڈوکیٹ جنرل استفسار کیا کہ کیا ان کو 9 مئی کے بعد گرفتار نہیں کیا، جس پر عدالت کو بتایا گیا کہ میاں اسلم نو مئی کے بعد روپش ہو گئے تھے، اب سامنے آنے ہیں، ان کو اپنے خلاف مقدمات کا علم تھا۔

خیال رہے کہ رہنما تحریک انصاف میاں اسلم اقبال کے خلاف مختلف نوعیت کے 21 مقدمات درج ہیں۔

پشاور ہائی کورٹ کے باہر میڈیا سے گفتگو کرتے ہوئے میاں اسلم اقبال نے کہا ہے کہ ن لیگ اور پیپلز پارٹی نے عوام کا مینڈیٹ چوری کیا ہے ، وفاق اور صوبوں میں ہماری سیٹیں واپس کی جائیں۔ یہ الیکشن سے پہلے ایک دوسرے پر کرپشن کے الزامات لگاتے ہیں اور الیکشن کے بعد پھر مل جاتے ہیں۔ صرف اور صرف انصاف کا بول بالا کریں، 25سال ہوگئے ہیں مجھے الیکشن لڑتے ہوئے، مجھے کہا گیا کہ میں نے فائرنگ کرکےبندے قتل کیے ، مجھ پر بےشمار کیسز کیے گئے، پشاور ہائیکورٹ کا شکرگزار ہوں مجھے ضمانت ملی۔

انہوں نے کہا کہ میری کوئی فوٹیج موجود نہیں، کہیں بھی میری کوئی بھی فوٹیج دکھا دیں، میرے فون نمبر پر کوئی بھی کال ہوئی ہو تو دکھا دیں، میں جسٹس صاحبان کا شکریہ ادا کرتا ہوں ۔ صرف ایک ووٹ ہے، بانی پی ٹی آئی کا اور کسی کا ووٹ نہیں ہے، خدارا عوام کے مینڈیٹ کا خیال رکھا جائے، انہوں نے فارم 45کو رد کرکے47 کو مان لیا، یہ آزمائے ہوئے ہیں یہ پی ڈی ایم 2ہے، ن لیگ اور پیپلز پارٹی نے ہر ادارے کو تباہ کیا، انہوں نے 16ماہ میں کیا کچھ نہیں کیا جو اب کرنا ہے۔

ان کاکہنا تھا کہ ن لیگ کہہ رہی ہے ہمارے ساتھ شامل ہوجاؤ نہیں تو تمہاری جیت کا نوٹیفکیشن جاری نہیں ہوگا، چوری کے ووٹوں سے یہ سب نہیں چلے گا، عوام نے ہمیں مینڈیٹ حکومت کرنے کا دیا ہے، وفاق اور صوبوں میں ہماری سیٹیں واپس کی جائیں۔

پڑھنا جاری رکھیں

ٹرینڈنگ

Take a poll