اسلام آباد ہائی کورٹ کے چیف جسٹس عامر فاروق نے آج درخواست مسترد کرنے کا فیصلہ سنایا ہے۔ فیصلے میں کہا گیا کہ توشہ خانہ سے متعلق فیصلے کے خلاف اپیل پر سماعت اسلام آباد ہائی کورٹ ہی کرے گا۔ الیکشن کمیشن نے عمران خان کو 21 اکتوبر 2022 کو بطور رکن اسمبلی نااہل قرار دینے کا فیصلہ سنایا تھا۔
سابق وزیر اعظم عمران خان نے الیکشن کمیشن فیصلے کے خلاف گذشتہ برس 28 اکتوبر2022 کو ہائی کورٹ سے رجوع کیا تھا اور لاہور ہائیکورٹ میں معاملہ زیر التوا ہونے کی وجہ سے اپیل واپس لینے کی درخواست دائر کی تھی۔ عمران خان نے 18 جنوری کو اپیل واپس لینے کی درخواست دائر کی تھی۔ درخواست میں موقف اختیار کیا گیا تھا کہ لاہور ہائی کورٹ میں اپیل زیر التواء ہونے کی وجہ سے اسلام آباد سے اپیل واپس لینا چاہتے ہیں۔
عمران خان نے 18 جنوری کو اپیل واپس لینے کی درخواست دائر کی تھی اور 13 ستمبر کو فریقین کے دلائل سننے کے بعد عدالت نے فیصلہ محفوظ کیا تھا۔
