امریکا میں شدید طوفان سے 6 افراد ہلاک، 23 زخمی

امریکا کی ریاست ٹینیسی میں شدید طوفان کے نتیجے میں6افراد ہلاک جبکہ 23 دیگر زخمی ہو گئے ہیں ۔چینی خبررساں ادارے کے مطابق مونٹگمری کاؤنٹی شیرف کے دفتر نے کہا ہے کہ مونٹگمری کاؤنٹی میں شدید طوفان کے نتیجے میں 2بالغ اور ایک بچہ ہلاک ہو گئے جبکہ 3 مزید ہلاکتیں ٹینیسی کے دارالحکومت نیش وِل کے مضافاتی علاقوں میں ہوئی ہیں۔

انہوں نے کہا کہ ویدر چینل کی رپورٹ کے مطابق یہ موسم ایک کراس کنٹری سسٹم کا حصہ ہے جس سے ہفتے کے آخر تک جنوب میں شدید گرج چمک، تیز ہوا اور بگولے آنے کی توقع ہے۔ انہوں نے مزید بتایا کہ یہ طوفان تقریباً دو سال بعد آئے جب نیشنل ویدر سروس نے مٹھی بھر ریاستوں میں 41 طوفان ریکارڈ کیے، جن میں ٹینیسی میں 16 اور کینٹکی میں 8شامل ہیں۔