دبئی مسلسل تیسرے سال دنیا کا دوسرا بہترین سیاحتی مقام

دبئی: برطانوی ادارے یورو مانیٹر انٹرنیشنل نے2023 کے دوران دنیا کے 100 بہترین سیاحتی مقامات کی فہرست جاری کر دی جس میں دبئی مسلسل تیسرے سال سے دوسرے نمبر پر ہے۔

اردو نیوزکے مطابق برطانوی ادارے یورو مانیٹر انٹرنیشنل نے 2023 کے دوران دنیا کے 100 بہترین سیاحتی مقامات سے متعلق جائزے میں بتایا کہ رواں سال کے دوران دبئی دنیا کا دوسرا پسندیدہ سیاحتی مقام رہا ہے۔

یورو مانیٹر انٹرنیشنل نے کہا ہے کہ 100 مقبول ترین سیاحتی مقامات کی فہرست 55 بنیادوں پر تیار کی گئی ہے، دنیا کے مقبول ترین سیاحتی مقامات میں 2023 کے دوران پیرس پہلے، میڈرڈ تیسرے، ایمسٹرڈیم چوتھے اور برلن پانچویں نمبر پر رہا ہے۔