9 مئی کے 18 اشتہاریوں کے شناختی کارڈ بلاک کرنے کےلئے چیئرمین نادرا کو خط

لاہور پولیس نے 9 مئی کے 18 اشتہاریوں کے شناختی کارڈ بلاک کرنے کےلئے چیئرمین نادرا کو خط لکھ دیا۔

لاہور پولیس نے 9 مئی کے 18 اشتہاریوں کے شناختی کارڈ بلاک کرانے کا فیصلہ کرلیا ہے اور اس حوالے سے چیئرمین نادرا کو خط بھی لکھ دیا ہے۔خط میں بتایا گیا ہے کہ 18 اشتہاری ملزمان شامل تفتیش ہوئے اور نہ انسداد دہشت گردی عدالت پیش ہوئے، ان کے شامل تفتیش ہونے تک ملزمان کے شناختی کارڈ بلاک کئے جائیں۔

خط میں درخواست کی گئی ہے کہ اشتہاری ملزمان میں مراد سعید، اعظم سواتی، حماد اظہر، میاں اسلم اقبال، کرامت کھوکھر،علی امین گنڈاپور، واثق قیوم عباسی، مسرت چیمہ، جمشید چیمہ، زبیر نیازی، ندیم عباس، غلام محی الدین کے شناختی کارڈ بھی بلاک کئے جائیں.

اشتہاری ملزمان کے نام نو فلائی لسٹ میں شامل کئے جا چکے ہیں۔