الیکشن کمیشن نے چیئرمین پی ٹی آئی سمیت پارٹی عہدیداروں کو نوٹسز جاری کر دیئے

انٹرا پارٹی انتخابات،الیکشن کمیشن نے چیئرمین پی ٹی آئی بیرسٹر گوہر علی خان سمیت پارٹی عہدیداروں کو نوٹسز جاری کر دیئے۔

پی ٹی آئی انٹرا پارٹی انتخابات کے خلاف سماعت کل ہوگی، الیکشن کمیشن کا 5 رکنی بینچ کیس کی سماعت کرے گا۔ الیکشن کمیشن نے پاکستان تحریک انصاف کے چیئرمین بیرسٹر گوہر خان، پی ٹی آئی کے چیف الیکشن کمشنر نیاز اللہ نیازی، پارٹی جنرل سیکرٹری عمرایوب سمیت 9عہدیداروں کو نوٹسز جاری کردیئے۔

کیس کی سماعت کے لیے الیکشن کمیشن کی جانب سے چیئرمین پی ٹی آئی بیرسٹر گوہر خان، پی ٹی آئی کے چیف الیکشن کمشنرنیازاللہ نیازی، پارٹی جنرل سیکرٹری عمرایوب سمیت 9 عہدیداروں کو نوٹس جاری کردیے گیے۔

الیکشن کمیشن میں پی ٹی آئی انٹرا پارٹی انتخابات کےخلاف اکبرایس بابرسمیت 13 درخواستیں دائر ہوچکی ہیں، جن میں تحریک انصاف کے انٹرا پارٹی انتخابات کوکالعدم قرار دیے جانے کی استدعا کی گئی ہے۔

دوسری جانب ہم عوام پاکستان پارٹی نے انتخابی نشان بلے کے حصول کے لیے الیکشن کمیشن میں درخواست جمع کروا رکھی ہے۔