بھارتی پارلیمنٹ پر دو نامعلوم افراد کا حملہ

بھارتی میڈیا کے مطابق بھارت کی لوک سبھا میں اجلاس کے دوران دو نامعلوم افراد مہمانوں کی گیلری سے اچانک کود کر اسمبلی ارکان کی ڈیسک تک پہنچ گئے، انہوں نے زرد رنگ کی گیس چھوڑی جس کی وجہ سے پارلیمنٹ میں دھواں بھر گیا۔

بھارتی پارلیمنٹ کا اجلاس براہ راست نشر کیا جا رہا تھا جسے لاکھوں افراد دیکھ رہے تھے، حملے کے وقت پارلیمنٹ راہول گاندھی، اسمبلی اراکین اور مرکزی وزراء موجود تھے۔

حملے کے بعد پارلیمنٹ اراکین خوف کے باعث چھپنے کی کوشش کرتے رہے اور بعض اراکین نشت کے نیچے بیٹھ گئے، سیکیورٹی عملہ بھی اس اچانک حملے پر سٹپٹا گیا اور ان کی دوڑیں لگ گئیں۔

بھارتی پارلیمنٹ میں حملہ آور کی جانب سے چھوڑی جانے والی زرد رنگ کی گیس کی وجہ سے دھویں کے بادل چھا گئے جس کا فائدہ اٹھاتے ہوئے حملہ آور لوک سبھا چیمبر تک پہنچنے میں کامیاب ہو گئے۔

بھارتی لوک سبھا کا اجلاس بھگدڑ مچنے کے سبب ملتوی کر دیا گیا۔ سکیورٹی کی ناقص صورت حال پر لوک سبھا کے اراکین نے اداروں کے کردار پر سوال اُٹھا دیئے۔

یاد رہے کہ 2001 میں بھی بھارتی پارلمینٹ پر حملہ ہوا تھا جس کا ذمہ دار پاکستان کو ٹھہرایا گیا تھا ۔