او آئی سی کی بھارتی سپریم کورٹ کا فیصلہ کالعدم دینے کی درخواست

عالمی خبر رساں ادارے کی خبر کے مطابق اسلامی تنظیم او آئی سی نے اپنے ایک بیان میں بھارت سے مقبوضہ کشمیر کی خصوصی حیثیت کے خاتمے کے حوالے سے آرٹیکل 370 کے سیاہ قانون کو برقرار رکھنے پر سخت تشویش کا اظہار کیا ہے۔

او آئی سی نے اس فیصلے پر نہایت تشویش کا اظہار کرتے ہو ئے کہا ہے ایک ایسےمتنازعہ خطے کےمعاملے میں جس کی اپنی خود مختاری ہو ایسا فیصلہ انصاف کے تقاضے پورے نہیں کرتا ۔ 

او آئی سی کے ترجمان نے بھارتی سپریم کورٹ کے فیصلے کو سخت تنقید کا نشانہ بناتے ہوئے مودی سرکار سے مطالبہ کیا ہے کہ مقبوضہ کشمیر کی خصوصی حیثیت کو برقرار رکھا جائے اور تمام فیصلوں کو کالعدم قرار دیا جائے۔

او آئی سی کے ترجمان کا کہنا تھا کہ مقبوضہ کشمیر عالمی سطح پر تسلیم شدہ متنازع علاقہ ہے اور اس علاقے کی حیثیت میں کسی بھی قسم کا ردوبدل عالمی قوانین کی خلاف ورزی ہے۔

عالمی خبر رساں ادارے کے مطابق او آئی سی نے مودی سرکار کی جانب سے 2019 میں مقبوضہ کشمیر کی خصوصی حیثیت کو ختم کرنے اور اسے بھارت میں ضم کرنے کے فیصلے پر اپنے مطالبے کو دہرایا  ہے۔