بانی چیئرمین پی ٹی آئی کی فیملی کا انٹرنیشنل کورٹ جانے کا فیصلہ

بانی چیئرمین پی ٹی آئی عمران خان کی ہمشیرہ علیمہ خان نے میڈیا سے گفتگو کرتے ہوئے کہا ہے کہ ڈونلڈ لو کیخلاف برطانیہ اور امریکا میں کیس کریں گے۔ دکھ ہے کہ عالمی عدالتوں میں جارہے ہیں۔ 

اڈیالہ جیل کے باہر میڈیا سے گفتگو کرتے ہوئے علیمہ خان نے کہا کہ سائفر کیس میں میڈیا کا جیل میں ہونا ضروری تھا۔ ہمیں کہا جارہا تھا کہ یہ کیس انٹرنیشنل کورٹس میں لے کر جائیں۔

BIG BREAKING:

قاسم خان یو کے میں کورٹ میں جائیں گے جبکہ امریکہ میں ڈونلڈ لو کے خلاف مقدمہ کیا جائے گا

pic.twitter.com/WXWWwOIdAw

— @ImranKhanPTI is My Prime Minister. (@AmAlphaFemale) December 14, 2023

انہوں نے الزام عائد کیا کہ آج عمران خان کو بھی ذوالفقار علی بھٹو کے راستے پر لے جایا جارہا ہے۔ عمران خان کے کیس کو کس تیزی سے لے جایا جارہا ہے۔ اس سماعت سے بڑا مذاق نہیں ہوسکتا۔ خان صاحب ہزار بار بتایا کہ سائفر ایک پیغام تھا جو ڈونلڈ لو نے جنرل باجوہ کو بھیجا تھا، جنرل باجوہ کی جانب سے پاکستان کی عوام کی حکومت کو گرایا گیا، جب سے حکومت گئی، نقصان پاکستان کی عوام کو اٹھانا پڑ رہا ہے،

علیمہ خان کا کہنا تھا کہ ہمارے ججز ایسا کام نہیں کریں گے جو جرم ہوگا، مجھے لگتا ہے عدالتی فیصلوں کی تمام سکرپٹ لکھی گئی ہے، ہم عمران خان کو پھانسی کے پھندے تک نہیں پہنچنے دیں گے، اب کیس انٹرنیشنل سطح پر لڑیں گے۔