امریکی صدر جو بائیڈن کے مواخذے کی منظوری

امریکی ایوان نمائندگان نے جوبائیڈن کے خلاف ان کے بیٹے کے متنازع بین الاقوامی کاروباری معاملات کی بنیاد پر مواخذے کی باقاعدہ تحقیقات شروع کرنے کی منظوری دے دی۔

غیر ملکی خبر رساں ایجنسی کے مطابق مواخذے سے متعلق قرارداد کے حق میں 221 اور مخالفت میں 212 ووٹ آئے،ری پبلکنز پارٹی کی جانب سے الزام عائد کیا گیا تھا کہ امریکی صدرکے بیٹے ہنٹربائیڈن نے یوکرین اور چین میں کاروبار کیے،بائیڈن نے فائدہ اٹھایا،جبکہ جوبائیڈن نے اقدام کوبے بنیاد اور سیاسی شعبدہ بازی قراردیدیا،سینیٹ میں اکثریت ہونے کی وجہ سے سے  ری پبلکنز کیلئے ڈیموکریٹس صدرکامواخذہ کرانا  ناممکن نظر آ رہا ہے ۔

ریپبلکنز نے ابھی تک صدر کی بدعنوانی کے ثبوت فراہم نہیں کیے اور اس بات کا امکان بھی نہیں ہے کہ ڈیموکریٹک پارٹی کی زیر قیادت سینیٹ امریکی صدر کو مجرم قرار دے گی، چاہےاس انکوائری کے نتیجے میں مواخذے کی سماعت ہی شروع کیوں نہ ہو جائے۔