توشہ خانہ کیس، بانی چیئرمین پی ٹی آئی کا دو روزہ جسمانی ریمانڈ منظور

توشہ خانہ کیس، بانی چیئرمین پاکستان تحریک انصاف کا دو روزہ جسمانی ریمانڈ منظور کرلیا گیا، نیب کی جانب سے 7 روزہ جسمانی ریمانڈ کی استدعا کی گئی تھی۔

توشہ خانہ کیس کی سماعت احتساب عدالت کے جج محمد بشیر نے کی جس میں نیب نے عمران خان کے سات روز کے جسمانی ریمانڈ کی استدعا کی۔ سماعت میں بانی چیئرمین پی ٹی آئی کی جانب سےوکیل شہباز کھوسہ عدالت میں پیش ہوئے تھے۔

ڈپٹی پراسیکیوٹر جنرل نیب سردار مظفرعباسی اور تفتیشی ٹیم بھی عدالت میں پیش ہوئی۔ وکلاء صفائی نے جسمانی ریمانڈ کی مخالفت کی، فریقین کے دلائل کے بعد عدالت نے عمران خان کا دو روزہ جسمانی ریمانڈ منظور کرلیا۔ بانی پی ٹی آئی کو 16 دسمبر کو دوبارہ عدالت میں پیش کیا جائے گا۔

واضح رہے کہ عدالت نے کل توشہ خانہ کیس میں بانی پی ٹی آئی کی درخواست ضمانت قبل ازگرفتاری خارج کی تھی اور گرفتاری ڈال دی تھی۔