بھارت غیرقانونی فیصلوں سے کشمیریوں کی خود مختاری ختم نہیں کر سکتا ، انوارلحق کاکڑ

نگران وزیراعظم انوارالحق کاکڑ نے کہا ہے کہ بھارت اپنے غیرقانونی اقدامات سے کشمیریوں کی جدوجہدآزادی کودبا نہیں سکتا بلکہ ایسے اقدامات سے جدوجہد اور کشمیریوں کے جذبےکو اور تحریک ملے گی ۔ 

 وہ مظفر آباد میں آزاد جموں و کشمیر کے وزیراعظم چودھری انوار الحق اور قانون ساز اسمبلی کے سپیکر لطیف اکبر سےگفتگو کر رہے تھے ۔

 انوارالحق کاکڑ نےکہاکہ پاکستانیوں کے دل اپنے کشمیری بہن بھائیوں کے ساتھ دھڑکتے ہیں۔

 آزاد کشمیر کے وزیراعظم اور آزاد جموں وکشمیر قانون ساز اسمبلی کے سپیکر نے بھارتی سپریم کورٹ کے فیصلے کے بعد جموں و کشمیر کےعوام کے ساتھ  اظہاریکجہتی کرنے پر وزیراعظم کا شکریہ اداکیا۔

کہا کہ کشمیریوں کی قربانیاں کسی سے بھی ڈھکی چھپی نہیں ہیں ، بھارتی سپریم کورٹ کو چاہیے کہ اپنے فیصلے پر نظر ثانی کرے اور کشمیریوں کو ان کا حق دے  اس طرح کے فیصلوں سے کشمیریوں کی تحریک کو مزید تحریک ملے گی ۔