حکومت تمام رجسٹرڈ سیاسی جماعتوں کو یکساں مواقع فراہم کر رہی ہے ، مرتضی سولنگی

اطلاعات و نشریات کے نگران وزیر مرتضیٰ سولنگی نے کہا ہے کہ حکومت تمام  رجسٹرڈ جماعتوں کو برابر کے مواقع فراہم کر رہی ہے۔

 اسلام آباد میں صحافیوں سے گفتگو کرتے ہوئے انہوں نے کہا کہ سیاسی جماعتوں کے رہنماؤں کو تنقید کا حق ہے۔

 انہوں نےکہا کہ اگر کسی کو شکایت ہے تو وہ الیکشن کمیشن سے رجوع کرے۔

ایک سوال پر وزیر اطلاعات نےکہا کہ الیکشن کمیشن کو ضلعی ریٹرننگ افسروں کی تعیناتی کا اختیار ہے۔ انہوں نے کہا کہ آئین کے آرٹیکل دوسو اٹھارہ کی شق تین کے تحت الیکشن کمیشن انتخابات کے انعقاد کے لئے واحد ذمہ دار ادارہ ہے۔