ایران نے اسرائیلی ایجنٹ کو پھانسی دے دی

 ایران کی سرکاری نیوز ایجنسی ارنا نے رپورٹ کیا ہے کہ مبینہ اسرائیلی ایجنٹ کو ایران کے جنوب مشرقی صوبے سیستان بلوچستان کی زاہدان جیل میں پھانسی دی گئی ہے۔

ایران نے پھانسی دیے جانے والے شخص کا نام اور تفصیل جاری نہیں کی. البتہ اس پر غیر ملکی خفیہ اداروں خصوصاً اسرائیلی خفیہ ایجنسی موساد سے رابطوں کا الزام ہے۔

ایرانی سرکاری نیوز ایجنسی کے مطابق مبینہ ملزم اپنے ساتھیوں کی مدد سے حساس معلومات جمع کر رہا تھا اور اس نے موساد سمیت غیر ملکی اداروں کو خفیہ دستاویزات بھی فراہم کی تھیں۔

 مذکورہ شخص موساد کی جاسوسی سروس کو خفیہ معلومات فراہم کرنے کا بھی قصوروار پایا گیا تھا جس کا مقصد امن عامہ کو درہم برہم کرنا تھا۔ایرانی حکام کا کہنا ہے کہ  اس کو اسی الزام میں پھانسی کی سزا سنائی تھی ، اورنہ فوری طور پر یہ واضح ہوسکا کہ اس شخص کو کب اور کہاں سے گرفتار کیا گیا یا مقدمہ چلایا گیا۔

دوسری جانب اسرائیل کی جانب سے فوری طور پر کوئی بیان سامنے نہیں آیا ہے۔