بابر اعوان چیئرمین سینیٹ کےامیدوار ہوں گے:ڈاکٹر شاہد مسعود کی بڑی خبر

جی این این کے پروگرام"لائیو ود ڈاکٹر شاہد مسعود"میں گفتگو کرتے ہوئے سینئر تجزیہ کار ڈاکٹر شاہد مسعود نے بڑی خبر دی ان کا کہنا تھا کہ وزیراعظم ہاؤ س کا کہنا ہے کہ وزیراعظم عمران خان کی جانب سے چیئرمین سینیٹ کے لیے بابر اعوان امیدوار ہوں گے،بابر اعوان صاحب ایک پرانے سیاستدان ہیں،وزیرقانون اور سینیٹر بھی رہے ہیں اس لیے شائد وہ خود چیئرمین سینیٹ بنناچاہتے ہیں۔

وزیراعظم ہاؤس کا کہنا ہے کہ چیئرمین سینیٹ کے امیدوار بابر اعوان ہوں گے، ڈاکٹر شاہد مسعود کی بڑی خبر @Shahidmasooddr @BabarAwanPK @PTIofficial #KhabarHai #GNN pic.twitter.com/0sqc9hGyUx

— GNN (@gnnhdofficial) February 3, 2021

سینئر تجزیہ کار ڈاکٹر شاہد مسعود نے مزید کہا کہ پی ٹی آئی کے اندر اس بات کو لے کربہت زیادہ  مخالفت ہے اور پی ٹی آئی میں بابر اعوان  کو ٹکٹ دینے پر بھی اختلافات ہیں کہ آپ بابر اعوان کو سینیٹ کی ٹکٹ ہی کیوں دے رہے ہیں، ٹکٹ ان کو ملنی چاہیے جو پرانے لوگ ہیں،اسی طرح عمر چیمہ کانام چلا تھا لیکن ان کی گروپنگ اتنی زیادہ نہیں ہے۔