ترکی کا بغیر ڈرائیور اور بجلی سے چلنے والی بس کا کامیاب تجربہ

غیر ملکی خبر رساں ادارے کے مطابق  ترک صدر رجب طیب اردوان نے  ڈرائیور کے بغیر چلنے والی  برقی بس کا افتتاح کیا، افتتاحی تقریب میں ترک صدر سمیت اعلی حکام اور غیر ملکی سفارتکاروں نے بھی شرکت کی ۔ترکی کے  صدر رجب  طیب اردوان نے اپنی ٹیم کے ہمراہ بس کا سفر بھی کیا۔

کمپنی کے مطابق ڈرائیور کے بغیر چلنے والی الیکٹرک بس 220 کلو واٹ بیٹریوں کی وجہ سے بغیر رکاوٹ 300 کلو میٹر تک سفر کرسکتی ہے۔برقی بس  27 فٹ لمبی ہے اور اس میں 50 مسافروں کے بیٹھنے کی جگہ ہے۔اس کی  بیٹری کو 5 گھنٹوں میں آلٹر نیٹنگ کرنٹ  (اے سی) کے ذریعہ یا 3 گھنٹے میں ڈائریکٹ کرنٹ ( ڈی سی )کے ذریعے چارج کیا جا سکتا ہے۔ بس بنانے والے کمپنی کارسن نے اس  کامیاب تجربے کے بعد بس کی بڑے پیمانے پر تیاری کا آغاز کردیا ہے۔

واضح رہے کہ   ترکی کی ایک اور  بس بنانے والی کمپنی اوٹوکر نے  گزشتہ ماہ  خود مختار برقی بس بنانے  کا تجربہ کیا تھا۔