توشہ خانہ کیس میں عمران خان اور بشریٰ بی بی کو 14 سال قید کی سزا سنادی گئی

راولپنڈی: پاکستان تحریک انصاف (پی ٹی آئی) کے بانی عمران خان اور ان کی اہلیہ بشریٰ بی بی کو توشہ خانہ کیس میں 14،14 سال قید بامشقت کی سزا سنادی گئی۔

تفصیلات کے مطابق احتساب عدالت کے جج محمد بشیر نے بھی عمران خان کو 10 سال کے لیے نااہل قرار دے دیا۔

عدالت کی جانب سے عمران خان اور بشریٰ بی بی پر 1 ارب 57 کروڑ 30 لاکھ روپے جرمانہ بھی عائد کیا گیا ہے۔

دوران سماعت احتساب عدالت کے جج محمد بشیر نے بانی پی ٹی آئی سے سوال کیا آپ نے اپنا 342 کا بیان جمع کرایا ہے؟ جس پر عمران خان نے کہا میں نے بیان تیارکر لیاہے، بشریٰ بی بی اور میرے وکلا آئیں گے تو بیان جمع کراؤں گا۔