او گرا کی گیس کا اوسط ٹیرف مزیدبڑھانے کی منظوری

پاکستان نے آئی ایم ایف کی ایک اور شرط پوری کرنے کی تیاری مکمل کر لی،  اوگرا نے گیس کا اوسط ٹیرف مزید 35.13 فیصد تک بڑھانے کی منظوری دیدی ہے۔

اوگرا نے اسلام آباد سمیت پنجاب اور خیبر پختونخوا میں صارفین کے ٹیرف میں اوسط 35.13 فیصد اضافہ منظور کیا ہے جب  کہ سندھ اور بلوچستان کے گیس صارفین کے لیے ٹیرف میں اوسط 8.57 فیصد اضافے کی منظوری دی گئی ہے۔

میڈیا ذرائع کے مطابق عالمی مالیاتی ادارے آئی ایم ایف کی ایک اور شرط پوری کرنے کی تیاریاں مکمل کر لی گئی ہیں اور آئل اینڈ گیس ریگولیٹری اتھارٹی (اوگرا) نے گیس کا اوسط ٹیرف مزید 35.13 فیصد تک بڑھانے کی منظوری دے دی ہے۔ وفاقی حکومت کی منظوری کے بعد اوگرا نوٹیفکیشن جاری کرے گا۔

سوئی ناردرن کا ٹیرف 435.14 روپے فی ایم ایم بی ٹی یو بڑھا کر نیا ٹیرف 1673.82 روپے فی ایم ایم بی ٹی یو کرنے جب کہ سوئی سدرن گیس کا ٹیرف 115.72 روپے فی ایم ایم بی ٹی یو بڑھا کر نیا ٹیرف 1466.40 روپے فی ایم ایم بی ٹی یو کرنے کی منظوری دی گئی ہے۔