آئی ایچ سی نے حکومت کو ایف بی آر کی تنظیم نو سے روک دیا

اسلام آباد: اسلام آباد ہائی کورٹ (آئی ایچ سی) نے بدھ کو نگراں حکومت کو فیڈرل بیورو آف ریونیو (ایف بی آر) کی تنظیم نو سے روک دیا۔

تفصیلات کے مطابق اسلام آباد ہائیکورٹ کے جسٹس میاں گل حسن اورنگزیب نے ایف بی آر افسر کی درخواست پر سماعت کی جس میں درخواست گزار نے موقف اختیار کیا کہ ایف بی آر کی تنظیم نو نگران حکومت کا مینڈیٹ نہیں۔ نگراں حکومت کو ایف بی آر کی تنظیم نو سے روکا جائے۔

درخواست گزار کے وکیل نے کہا کہ الیکشن کمیشن آف پاکستان (ای سی پی) کے الیکشن ایکٹ 2017 کے تحت روکنے کے باوجود کمیٹی بنائی گئی۔

عدالت نے وکلا کے دلائل سننے کے بعد ایف بی آر کی تنظیم نو کمیٹی کے قیام کا نوٹیفکیشن معطل کردیا۔