وزیر خارجہ جلیل عباس جیلانی کی رفاہ پر  اسرائیل کی حالیہ بمباری اور حملوں کی شدید مذمت

نگران وزیر خارجہ جلیل عباس جیلانی نے رفاہ پر  اسرائیل کی حالیہ بمباری اور حملوں کی شدید مذمت کی ہے ۔

 ایکس ٹویٹر  پر کی گئی اپنی پوسٹ میں انہوں نے اسرائیلی کارروائی کو معصوم فلسطینیوں کےخلاف افسوسناک اور بین الاقوامی قوانین اور انسانی حقوق کی سنگین خلاف ورزی قرار دیا ۔

نگران وزیر خارجہ جلیل عباس جیلانی نے کہا کہ عالمی برادری اس صورتحال کو نظرانداز کرنے کی متحمل نہیں ہوسکتی ۔