پی ٹی آئی سے کوئی اتحاد نہیں ہوا ،امیر جماعت اسلامی خیبر پختونخواہ

امیر جماعت اسلامی خیبر پختونخوا نے واضح کیا ہے کہ پی ٹی آئی کےساتھ کوئی اتحاد نہیں ہوا۔

پروفیسرمحمد ابراہیم نے ایک بیان میں کہا کہ پی ٹی آئی جس کیساتھ بھی حکومت بناناچاہےان کواختیارہے،جماعت اسلامی کانام استعمال کرنےکااخلاقاً کوئی جوازنہیں بنتا۔

یاد رہے کہ  پاکستان تحریک انصاف (پی ٹی آئی) کے ترجمان رؤف حسن نے کہا تھا  کہ وفاق اور پنجاب میں ایم ڈبلیو ایم کے ساتھ جب کہ خیبر پختونخوا میں جماعت اسلامی کے ساتھ مل کر حکومت بنائیں گے۔

پی ٹی آئی کے آزاد امیدوار عوامی مینڈیٹ رکھتے ہیں،عوامی مینڈیٹ کے تحفظ کیلئے جماعت اسلامی کی ضرورت پڑی تو خوش آمدید کہیں گے ،عوامی مینڈیٹ کے احترام میں ضرورت پڑی تو جماعت اسلامی پی ٹی آئی کا ساتھ دے گی۔

 جماعت اسلامی اور پی ٹی آئی کے مابین حکومت سازی کے لیے رابطے ہوئے ہیں ،نائب امیر جماعت اسلامی لیاقت بلوچ نے تصدیق کرتے ہوئے کہا کہ پی ٹی آئی سے رابطہ ہوا ہے،تاحال کوئی حتمی فیصلے نہیں ہوئے۔