تنازع کشمیر کا کشمیریوں کے امنگوں کے مطابق فوری حل ضروری ہے:آرمی چیف

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے لاہور کا دورہ کیا جہاں  کورکمانڈر لاہور لیفٹیننٹ جنرل محمد عبدالعزیز نےآرمی چیف جنرل قمر جاوید باجوہ کا استقبال  کیا۔آرمی چیف نے لاہور گیریژن میں افسران سے خطاب بھی کیا،آرمی چیف نے اپنے خطاب میں پیشہ وارانہ امور اور ملک کی داخلی و خارجی سیکیورٹی پر بات کی جبکہ آرمی چیف نے اپنے خطاب میں خطے اور پاکستان میں دیر پا امن کے لئے اپنے ویژن پر بھی بات کی۔

اس موقع پر آرمی چیف جنرل قمر جاوید باجوہ کا کہنا تھا کہ ہائبرڈ جنگ کے چیلنجز میں مزید چونکنا اورتیار رہنے کی ضرورت ہے،امن کشمیر کے لوگوں اور اس خطے کا حق ہے،تنازع کشمیر کا کشمیریوں کے امنگوں کے مطابق فوری حل ضروری ہے۔