الیکشن کمیشن کا صدر مملکت کے انتخاب کے لیے شیڈول اعلان

الیکشن کمیشن نے صدر مملکت کے انتخاب کے لیے شیڈول اعلان کرتے ہوئے کہا کہ آئین کے آرٹیکل 41 کی شق 4 کے مطابق صدر مملکت کا انتخاب عام انتخابات کے انعقاد کے بعد 30 روز کے اندر کروانا لازم ہے۔

الیکشن کمیشن آف پاکستان کا کہنا ہے کہ صدر مملکت کے انتخاب کے خواہش مند امیدوار آج سے کاغذات نامزدگی حاصل کرسکتے ہیں۔ آئین کے آرٹیکل 91 اور 130 کے تحت اسمبلیوں کی پہلی نشست انتخابات کے بعد 21 ایام میں لازمی بلائی جانی ہے۔

الیکشن کمیشن کا کہنا ہے کہ 29 فروری 2024 کو تمام اسمبلیاں وجود میں آجائیں گی، جس کے بعد صدر کے انتخاب کیلئے مطلوبہ الیکٹورل کالج کی تکمیل ہوجائے گی، الیکشن کمیشن یکم مارچ کو صدر کے انتخاب کا شیڈول اور پبلک نوٹس جاری کرے گا۔

الیکشن کمیشن کے مطابق 2 مارچ دن بارہ بجے تک امیدوار کاغذات نامزدگی جمع کروا سکیں گے۔ صدر مملکت کے انتخاب کے خواہش مند امیدوار آج سے غذات نامزدگی حاصل کرسکتے ہیں۔

الیکشن کمیشن یکم مارچ کو صدر کے انتخاب کا شیڈول اور پبلک نوٹس جاری کرے گا، آئین کے تحت کاغذات نامزدگی جمع کرانے کے لیے ایک دن مقرر کیا جائے گا۔