پی ٹی آئی کا قومی اسمبلی کےلئے اسپیکر اور ڈپٹی اسپیکر کے ناموں کا اعلان

پاکستان تحریک انصاف کے رہنما اور وزیراعظم کیلئے  نامزد امیدوار عمر ایوب کا کہنا ہے کہ بانی پی ٹی آئی عمران خان نے قومی اسمبلی میں اسپیکر اور ڈپٹی اسپیکر کےلئے امیدواروں نامزد کردیے ہیں۔

راولپنڈی میں اڈیالہ جیل کے باہر میڈیا سے گفتگو کرتے ہوئے عمر ایوب نے کہا کہ بانی پی ٹی آئی نے اسپیکر قومی اسمبلی کیلئے عامر ڈوگر کو نامزد کیا ہے، جبکہ ڈپٹی اسپیکر کیلئے جنید خان نامزد ہوئے ہیں۔

انہوں نے کہا کہ ہمارے دونوں نامزد ساتھیوں کی بہت قربانیاں ہے، عوام دیکھے گی کہ جیت پاکستان تحریک انصاف کی ہو گی۔ ہماری یہ جستجو حق اور سچائی کےلئے ہے اور ہم آخری دم تک لڑیں گے،یہی وجہ ہے کہ عوام نے ہمیں دو تہائی سے زیارہ اکثریت دی ہے۔

عمر ایوب کا کہنا تھا کہ الیکشن میں دھاندلی نہیں دھاندلہ ہوا، ہم لوگ عدالتوں اور اسمبلیوں میں بھی احتجاج کریں گے۔ لودھراں میں ہماری سیٹ پر دوبارہ گنتی کروا کر شب خون مارا گیا۔ان کا کہنا تھا کہ پی ٹی آئی کی 175 سے 180 سیٹوں پر کٹ مارا گیا ہے۔دو مارچ کو مختلف سیاسی جماعتوں کے ساتھ مل کر احتجاج کا اعلان بھی کردیا۔