آرمی چیف کا کشمیریوں کی جدوجہد آزادی کو سلام

تفصیلات کے مطابق پاک فوج کے شعبہ تعلقات عامہ (آئی ایس پی آر) کی طرف سے جاری بیان میں  آرمی چیف جنرل قمر جاوید باجوہ کاکہنا ہے کہ کشمیری بدترین ظلم ، انسانی حقوق کی خلاف ورزیاں برداشت کر رہے ہیں، کشمیری عوام قابض بھارتی فورسز  کے بدترین لاک ڈاون کا سامنا کر رہے  ہیں ۔   آرمی چیف نے کہا کہ وقت آگیا ہے کہ مسئلہ کشمیر کو  کشمیری عوام کی امنگوں اور عالمی قرار دادوں کے مطابق  حل کرکے اس انسانی المیے کو ختم کیا جائے۔

“Salute 2 Kashmiris for their valiant struggle, braving gravest atrocities, human rights violations & lockdown in IIOJ&K under Indian occupation forces. Time 2 end this human tragedy & resolve #Kashmir issue as per aspirations of people of J&K & #UN resolutions”COAS.

— DG ISPR (@OfficialDGISPR) February 5, 2021

گزشتہ روز لاہور گیریژن کے افسران سے خطاب کے دوران  آرمی چیف کاکہنا تھا  کہ کشمیر سمیت خطے کے عوام دیرپا امن کا حق رکھتے ہیں۔ کشمیریوں کی خواہشات کے مطابق کشمیر کے حل کے لیے پر عزم ہیں۔ ہماری امن کی خواہش کو کمزوری نہ سمجھا جائے، مسلح افواج ہر طرح کےخطرات سےنمٹنےکی صلاحیت رکھتی ہیں۔

واضح رہے کہ پاکستان سمیت دنیا بھر میں آج یوم یکجہتی کشمیر منایا جارہاہے ، اس دن  کا مقصد پاکستانی قوم کا کشمیری عوام کے اقوام متحدہ کی قراردادوں کے تحت اپنے ناقابل تنسیخ حق خودارادیت کے حصول کیلئے منصفانہ جدوجہد کی مکمل حمایت کا اظہار کرنا ہے ۔