سینیٹ الیکشن ، کاغذات نامزدگی مسترد کئے جانے کے خلاف اپیلوں پر سماعت آج ہوگی

سینیٹ الیکشن کے لیے کاغذات نامزدگی مسترد کیے جانے کے خلاف پاکستان تحریک انصاف (پی ٹی آئی) کے رہنماؤں مراد سعید، اعظم سواتی اور دیگر کی اپیلوں پر سماعت آج (جمعہ ) ہوگی۔

تفصیلات کے مطابق خیبرپختونخوا میں اپیلٹ ٹربیونل کے جج شکیل احمد سینیٹ انتخابات کے لیے کاغذات نامزدگی مسترد یا منظور ہونے کے خلاف اپیلوں کی سماعت کریں گے۔

اپیلٹ ٹربیونل کی جانب سے کہا گیا ہے کہ آج نو اپیلوں کی سماعت ہوگی۔

مراد سعید، اعظم سواتی اور خرم ذیشان کی دستاویزات مسترد ہونے کے خلاف اپیلوں پر سماعت ہوگی۔ جبکہ فیصل جاوید اور اظہر مشوانی کے کاغذات کی منظوری کے خلاف اپیلوں کی بھی سماعت ہوگی۔