سابق چیئرمین پی سی بی شہریار خان انتقال کرگئے

لاہور: پاکستان کرکٹ بورڈ (پی سی بی) کے سابق چیئرمین شہریار خان انتقال کر گئے۔

خاندانی ذرائع کے مطابق شہریار خان کافی عرصے سے علیل تھے اور آج (ہفتہ کو) لاہور میں انتقال کر گئے، ان کی عمر 89 برس تھی۔

شہریار خان کی تدفین کراچی میں کی جائے گی جس کے لیے ان کی میت آج کراچی لے جائی جائے گی۔

شہریار خان دو مرتبہ پاکستان کرکٹ بورڈ کے چیئرمین رہ چکے ہیں۔ وہ سابق سفارت کار بھی تھے اور سیکرٹری خارجہ کے عہدے پر بھی فائز رہے۔