یورپی یونین غزہ کے معاملے پر دوہرہ معیار اپنائے ہوئے ہیں ،اقوام متحدہ

اقوام متحدہ نے یورپی یونین پر الزام عائد کیا ہے کہ وہ غزہ کے معاملے پر دہرا معیار اپنائے ہوئے ہے۔
تفصیلات کے مطابق اقوام متحدہ نے یورپی یونین کے رہنماؤں پر زور دیا ہے کہ وہ غزہ میں بین الاقوامی قانون کا وہی احترام کریں جو وہ یوکرین میں برقرار رکھنا چاہتے ہیں کیونکہ لاکھوں فلسطینیوں کو خوراک کی شدید قلت اور ممکنہ قحط کا سامنا ہے ، ان کو ان کے گھروں میں محفوظ پناہ گاہ میسر نہیں ہے ، ان کو رمضان المبارک میں بھی کھانے پینے کی اشیا میسرنہیں ہیں ۔ 

برسلز میں یورپی یونین کے سربراہ اجلاس سے خطاب کرتے ہوئے اقوام متحدہ کے سیکریٹری جنرل انتونیو گوتریس نے رہنماؤں سے اپیل کی کہ وہ اقوام متحدہ کے چارٹر اور بین الاقوامی قوانین میں درج معیارات کے احترام میں مضبوط اور متحد رہیں۔

انتونیو گوتریس نے یورپی یونین کونسل کے صدر چارلس مشیل کے ساتھ کھڑے ہو کر صحافیوں سے گفتگو کرتے ہوئے کہا کہ ہمیں غزہ کی طرح یوکرین میں بھی دوہرے معیار کے بغیر اصولوں پر قائم رہنا چاہیے۔