ایل پی جی کی قیمتوں میں کمی واقع

آئل اینڈ گیس ریگولیٹری اتھارٹی ( اوگرا ) نے ایل پی جی کی قیمت میں7 روپے کی کمی کردی۔

اوگرا کی جانب سے ایل پی جی کی نئی قیمت کا نوٹیفکیشن جاری کر دیا گیا ہے جس کے مطابق ایل پی جی کی قیمت میں 6 روپے 45 پیسے فی کلو کمی کردی گئی ہے۔

گھریلو سلنڈر کی قیمت 76 روپے کمی کے بعد 2 ہزار 954 روپے مقرر کی گئی ہے ، نوٹیفکیشن کے مطابق ایل پی جی کی نئی قیمت 250 روپے 33 پیسے فی کلو گرام ہوگی۔

یاد رہے کہ اوگرا کی جانب سے جاری کردہ نوٹیفکیشن کا اطلاق آج سے ہوگا۔