پاک آئرلینڈ ٹی 20 سیریز کا پہلا میچ آج کھیلا جائے گا

پاکستان اور آئرلینڈ کے درمیان تین میچز پر مشتمل سیریز میں سے پہلا ٹی ٹوئنٹی انٹرنیشنل آج کھیلا جائے گا۔

قومی ٹیم کا ڈبلن میں پہلا ٹریننگ سیشن ہوا جس میں پاکستانی کرکٹرز نے بھرپور حصہ لیا۔

سیریز کی ٹرافی کی رونمائی کردی گئی ہے جب کہ پاکستانی وقت کے مطابق میچ آج شام 7 بجے شروع ہوگا۔

دوسری طرف پی سی بی کی جانب سے جاری کردہ اعلامیے میں کہا گیا ہے کہ فاسٹ بولر جمعے کو ڈبلن میں ٹیم کو جوائن کرلیں گے تاہم آئرش ٹیم کیخلاف پہلے ٹی20 میچ میں شرکت کا کوئی امکان نہیں ہے۔

محمد عامر اتوار اور منگل کو کھیلے جانے والے دوسرے اور تیسرے ٹی20 انٹرنیشنل کیلئے دستیاب ہوں گے۔

 فاسٹ بولر کی روانگی میں تاخیر کی وجہ میزبان ملک کی جانب سے ویزہ جاری نہ ہونا تھا۔