سکول پر اسرائیلی حملے میں خواتین اور بچوں سمیت 33 فلسطینی شہید

وسطی غزہ میں اقوام متحدہ کے زیرانتظام ایک سکول پر اسرائیلی حملے میں خواتین اور بچوں سمیت 33 فلسطینی شہید ہوگئے۔

گزشتہ سال 7 اکتوبر سے غزہ پر جاری اسرائیلی جارحیت کے نتیجے میں 36000  سے زائد افراد شہید جبکہ تراسی ہزار تین سو نو زخمی ہوچکے ہیں۔

یہ بھی پڑھیں : 

غزہ کے مقامی حکام کا دعویٰ ہے کہ دیرالبلح کے قریب نصیرت پناہ گزین کیمپ میں ہونے والے حملے میں 14 بچوں سمیت 37 افراد شہید  ہوئے ہیں۔ ذرائع ابلاغ نے اسرائیلی فوج کے حوالے سے بتایا ہے کہ اس علاقے میں حماس کے ارکان کو نشانہ بنایا گیا ہے۔ اس حملے سے قبل اس جگہ کی فضائی نگرانی بھی کی گئی اور شہریوں کا نقصان کم سے کم رکھنے کے لیے اضافی اقدامات بھی کیے گئے تھے۔