نیو گوادر ایئر پورٹ کی تکمیل آخری مراحل میں داخل

2019 میں شروع ہونے والے اس بین الاقوامی معیار کے ہوائی اڈے کی تعمیر سی پیک کے اہم منصوبوں میں سے ایک ہے نیو گوادر انٹرنیشنل ائیرپورٹ 4,300 ایکڑ اراضی پر قائم کیا گیا ہے - ہوائی اڈے کی جگہ پر ایک رن وے بھی شامل ہے جو دنیا کے سب سے بڑے ہوائی جہاز ایربس 380 کو لینڈ کرنے کی بھی صلاحیت رکھتا ہے اس منصوبے میں 14,000 مربع میٹر پر پھیلی ایک جدید ٹرمینل عمارت شامل ہے۔

246 ملین ڈالر کی تخمینہ لاگت کے ساتھ، ہوائی اڈہ 2024 میں مکمل ہونے والا ہے چین پاکستان اقتصادی راہداری کے تحت تعمیر کیے جانے والے ہوائی اڈے کے فلائٹ ٹیسٹ کا کام پاکستان کی سول ایوی ایشن اتھارٹی (سی اے اے) کے ذریعے منظم اور نافذ کیا گیا۔

پاکستان میں چین کے تعاون سے چلنے والے نیو گوادر بین الاقوامی ہوائی اڈے نے منگل 4 جون 2024 سے پانچ روزہ کامیاب فلائٹ ٹیسٹ آپریشن منعقد کر کے ایک اور تاریخ رقم کردی پہلی ٹیسٹ فلائٹ کو لینڈ ہوتے ہی رنوے پر روایتی انداز میں سلامی بھی پیش کی گئی تھی۔

اس سرگرمی کا بنیادی مقصد پروجیکٹ کی نیویگیشن سہولیات، نیوی گیشن ایڈز، پرواز کے طریقہ کار اور ائیر لینڈنگ اسٹرپ کی کارکردگی، معیار اور حفاظت کو جانچنا تھافلائٹ ٹیسٹ کی تکمیل کے بعد یہ منصوبہ آخری مرحلے میں داخل ہو جائے گا، اور توقع ہے کہ ہوائی اڈہ 2024 میں مکمل ہو کر مقامی حکام کے حوالے کر دیا جائے گا ۔

واضح رہے کہ تکمیل کے بعد یہ گوادر میں ایک جدید سنگ میل بن جائے گا، جو گوادر میں بنیادی ڈھانچے کے حالات کو نمایاں طور پر بہتر کر سکتا ہے اور بندرگاہ کے ساتھ ساتھ شہر کی مستقبل کی ترقی کے لیے ایک بہتر بنیاد رکھے گا۔