امریکہ: پارک میں فائرنگ 8 افراد زخمی

امریکا کے پارک میں فائرنگ کے نتیجے میں 2بچوں سمیت 8 افراد زخمی ہوگئے۔

غیر ملکی میڈیا کے مطابق یہ واقعہ امریکی ریاست مشی گن کے شہر ڈیٹرائٹ کے سپلیش پارک میں پیش آیا۔ پولیس کی جانب سے بتایا گیا ہے کہ ایک نامعلوم شخص پارک میں آیا اور اس نے فائر کھول دیے، جس کے بعد پارک میں بھگدڑ مچ گئی۔

پولیس کے مطابق پارک میں فائرنگ کے نتیجے میں 2 بچوں سمیت8 افراد زخمی ہوئے ہیں جنہیں فوری طبی امداد کیلئے اسپتال روانہ کیا گیا۔

یہ حملہ بغیر کسی منصوبہ بندی کے کیا گیا جبکہ تعاقب کے بعد فائرنگ کرنے والا ملزم اپنے گھر کے قریب مردہ حالت میں پایا گیا۔