پاکستان اور ایشیائی ترقیاتی بینک کے 25 کروڑ ڈالر مالیت کے قرض پروگرام پر دستخط

پاکستان اور ایشیائی ترقیاتی بینک نے25 کروڑ ڈالر مالیت کے قرض پروگرام پر دستخط کئے ہیں جس کا مقصد سرکاری و نجی شعبے کے درمیان پائیدار شراکت داری کو فروغ دینا ہے۔

اس پروگرام سے طرز حکمرانی میں بہتری اور پاکستان میں وفاقی سطح پر نجی و سرکاری شعبے کے درمیان شراکت داری کیلئے سازگارماحول کے قیام میں مدد ملے گی۔

وزارت اقتصادی امور کے سیکرٹری ڈاکٹر کاظم نیاز اور ایشیائی ترقیاتی بینک کے کنٹری ڈائریکٹر یونگ یی نے قرضے کے اس پروگرام پر دستخط کئے۔۔ایشیائی ترقیاتی بینک کے کنٹری ڈائریکٹر نے پاکستان میںتزویراتی اور مالیاتی طورپر نجی و سرکاری شراکت داری کو فروغ دینے کیلئے ساز گار ماحول کی اہمیت کو اجاگر کیا۔