24 گھنٹو ں میں مزید 53افراد کوروناسے جاں بحق

نیشنل کنٹرول اینڈ آپریشن سینٹر (این سی او سی) کی جانب سے جاری اعدادو شمار کے مطابق ملک بھر میں کورونا وائرس سے متاثرہ افراد کی مجموعی تعداد 5 لاکھ 54 ہزار 474 ہو گئی ہے۔ملک میں 5 لاکھ 10 ہزار 242 افراد صحتیاب ہو چکے ہیں جبکہ زیر علاج مریضوں کی تعداد 32 ہزار 265 ہے۔

اسلام آباد میں کورونا کیسزکی تعداد 41 ہزار 934، خیبر پختونخوا میں 68 ہزار 338، سندھ میں 2 لاکھ 50 ہزار 648، پنجاب میں ایک لاکھ 60 ہزار 580، بلوچستان میں 18 ہزار 859، آزاد کشمیر میں 9 ہزار 199 اور گلگت بلتستان میں 4 ہزار 916 افراد کورونا سے متاثر ہوچکے ہیں۔

نیشنل کمانڈ اینڈ کنٹرول سینٹر کے مطابق پاکستان میں کورونا سے اموات کی مجموعی تعداد 11 ہزار 967 تک پہنچ گئی گزشتہ چوبیس گھنٹوں میں کورونا کے باعث سب سے زیادہ پنجاب میں 26 اور سندھ میں 21 اموات ہوئیں۔ کے پی میں 4 اور آزاد کشمیر میں 1 مریض کورونا کے باعث انتقال کر گئے۔ مجموعی طور پر پنجاب میں اب تک4 ہزار 880 افراد جان کی بازی ہار چکے ہیں جبکہ سندھ میں 4 ہزار 87، خیبر پختونخوا ایک ہزار 952، اسلام آباد میں 478، گلگت بلتستان میں 102، بلوچستان میں 196 اور آزاد کشمیر میں 272 افراد جان کی بازی ہار چکے ہیں۔

دوسری جانب ملک میں کورونا کی ویکسینیشن کا عمل جاری ہے اور پہلے مرحلے میں ہیلتھ ورکرز کو کورونا ویکسین لگائی جا رہی ہے۔ملک بھر میں ایڈلٹ ویکسینیشن مراکز قائم کیے جا چکے ہیں اور ویکسینیشن کا تمام تر عمل ڈیجیٹل میکنزم سے کنٹرول کیا جائے گا۔