3منٹ سے زیادہ موبائل فون کالز، انٹرنیٹ ڈیٹا کے استعمال پر فیڈرل ایکسائز ڈیوٹی نافذ

اسلام آباد:  وزیر خزانہ شوکت ترین نے کہا ہے کہ تین منٹ سے زائد جاری رہنے والی موبائل فون کالز،انٹرنیٹ ڈیٹا کے استعمال اور ایس ایم ایس پیغامات پر فیڈرل ایکسائز ڈیوٹی نافذ کی جارہی ہے۔

بجٹ سیشن سے خطاب کرتے ہوئے وزیر خزانہ شوکت ترین کا کہنا تھا کہ  مواصلات پر فیڈرل ایکسائز ڈیوٹی کی شرح میں 17فیصد سے 16فیصد کمی کی تجویز ہے،تین منٹ سے زائد جاری رہنے والی موبائل فون کالز،انٹرنیٹ ڈیٹا کے استعمال اور ایس ایم ایس پیغامات پر فیڈرل ایکسائز ڈیوٹی نافذ کی جارہی ہے۔

جی این این کے مطابق موبائل فون کے استعمال پر ود ہولڈنگ ٹیکس میں کمی کی جا رہی ہے۔ 12 فیصد سے دس فیصد کیا جائے گا اور بعد میں یہ 8 فیصد ہو جائے گی۔