24 گھنٹوں میں 1 لاکھ 26ہزارامریکی کورونا کا شکار، 2730 اموات

میڈیا رپورٹس کے مطابق ویکسین آنے کے بعد بھی دنیا بھر میں کورونا کا قہر کم نہ ہوا۔ دنیا بھر میں کورونا سے 10 کروڑ63لاکھ43ہزار افراد متاثر جبکہ  23لاکھ 21ہزار سے زائد اموات ہوچکی ہیں۔ امریکہ میں مہلک وائرس کے وار جاری ہیں۔ چوبیس گھنٹوں میں دو ہزارسات سو تیس  اموات جبکہ ایک لاکھ چھ ہزار  نئے کیسز رپورٹ  ہوئے۔ متاثرین کی مجموعی تعداددو کروڑ75 لاکھ  سے تجاوز کرگئی ۔ برازیل میں  ایک روز میں  942  اورمیکسیکو  میں1496افرادجان کی بازی ہار گئے۔

یورپی ممالک میں قاتل وباء سے 3ہزار پانچ سو باسٹھ افراد جان کی بازی ہار گئے ۔برطانیہ میں 828۔ اٹلی میں تین سو پچاسی ۔جرمنی میں 337۔ پولینڈ میں 283جبکہ فرانس میں ایک سو اکیانوےاموات  ہوئیں۔ فرانس ایسٹرازینیکا کورونا ویکسین کی ملک میں استعمال کرنے کی منظوری دینے والا تیسرا ملک بن گیا۔فرانسیسی حکام کا کہنا ہے سب سے پہلے ہیلتھ ورکرز کی ویکسی نیشن کی جائے گی۔

روس میں کورونا وائرس 497 اورساؤتھ افریقہ میں 278 زندگیاں نگل گیا۔جارجیا کے دارالحکومت تبلیسی میں شہری  رات کے  کرفیو کیخلاف سڑکوں پر نکل آئے۔سعودی عرب میں کورونا   مریضوں میں اضافہ کے بعد پبلک مقامات کو بند کرنے سمیت ایس او پیز کی خلاف ورزی کرنیوالوں کو جرمانے اور سزادینے کا عمل شروع کر دیا گیا۔ مغربی آسٹریلیا میں لاک ڈاؤن کے ختم ہونے کے بعد 2 ملین شہریوں نے تفریحی مقامات کا رخ کرلیا۔