بھارت کی بجلی گرنے کے واقعات میں 38 افراد ہلاک 

بھارت کی جنوبی ریاست آندھرا پردیش کے کئی علاقوں میں بجلی گرنے سے 38 افراد جاں بحق اور 100 سے زائد زخمی ہوگئے۔

بھارت کی مشرقی ریاست بہار میں بھی بجلی گرنے سے 5افراد موت کے منہ میں چلے گئے۔

بارشوں کے باعث لوگوں کو نقل و حرکت میں مشکلات کا سامنا ہے۔

شمال مشرقی ریاست آسام میں سیلاب نے تباہی مچادی۔ موسلا دھار بارش کے دوران اور سیلاب کے باعث ہلاک ہونے والوں کی تعداد 79 ہوگئی ہے۔

آسام میں لاکھوں افراد بے گھر ہوچکے ہیں۔ کھڑی فصلوں کو نقصان پہنچا ہے۔

مون سون کی بارشیں بھارت کی دوسری ریاستوں میں بھی ہوئی ہیں۔ کئی ریاستوں میں لاکھوں افراد کو بارش کے بعد سیلاب سے بچنے کے لیے گھروں سے نکل کر محفوظ مقامات پر منتقل ہونا پڑا ہے۔