معروف نائیجرین گلوکار ریما کی امبانی کی شادی میں شرکت کیلئے ممبئی آمد

معروف نائجیرین سنگر ’’ریما‘‘ امبانی خاندان کی شادی کی تقریبات میں شرکت کرنے کے لیے ممبئی پہنچ گئے۔

بھارتی میڈیا کے مطابق ریما بھارتی بزنس مین مکیش امبانی کے بیٹے آننت امبانی اور رادھیکا کی شادی کی تقریب میں صرف اپنا ایک گانا ’’بے بی کام ڈاؤن‘‘ گائیں گے، جس کے لیے ریما کے ساتھ اب تک کا سب سے زیادہ معاوضہ طے کیا گیا ہے۔

بھارت میں جاری مکیش امبانی کے بیٹے آننت امبانی اور رادھیکا کی شادی کی تقریبات میں اب تک کئی ملکی اور بین الا قوامی گلوکار پرفارم کر چکے ہیں، جس کے لیے انہیں کافی زیادہ معاوضہ دیا گیا۔

بین الاقوامی گلوگاروں میں ریانا کو 75 کروڑ، جسٹن بیبر کو 83 کروڑ دیا گیا، مگر نائجیرین سنگر ریما کو ان کا ایک گانا ’’بےبی کام ڈاؤن‘‘  گانے کے لیے 25 کروڑ کا معاوضہ دیا جائے گا۔  

نائجیرین سنگر ریما نے سیلینا گومیز کے ساتھ  2022 میں مشہور زمانہ گانا ’’بےبی کام ڈاؤن‘‘گا کر عالمی شہرت سمیٹی تھی۔ ان کے گانے کو یوٹیوب پر اب تک 1 بلین سے زائد لوگ سن چکے ہیں۔