محسن نقوی آئندہ 2 سال کیلئے ایشین کرکٹ کونسل کے نئے صدر ہونگے

آئندہ 2 سالہ مدت کیلئے پاکستان ایشین کرکٹ کونسل کی صدارت سنبھالے گا، جس کے صدر چیئرمین پاکستان کرکٹ بورڈ محسن نقوی ہوں گے۔

ذرائع کے مطابق ایشین کرکٹ کونسل کا صدر روٹیشن پالیسی پر بنتا ہے، اس وقت ایشین کرکٹ کونسل کے صدر بھارتی بورڈ کے سیکرٹری جے شاہ ہیں جنہیں رواں برس جنوری میں ایک سال کی توسیع ملی تھی۔

جے شاہ اب مدت پوری ہونے پر اے سی سی کے صدارت سے الگ ہو جائیں گے، جبکہ آئندہ 2 سال کی مدت کیلئے چیئرمین پی سی بی محسن نقوی ایشین کرکٹ کونسل کے نئے صدر ہو ں گے۔

اے سی سی کے گزشتہ اجلاس میں آئندہ مدت کی صدارت کے معاملے پر بات ہوئی تھی۔

ذرائع کے مطابق اے سی سی کے اکتوبر میں ہونے والے اجلاس میں باقاعدہ صدارت کا اعلان کیا جا ئے گا۔