دیر بالا میں گھر پر مٹی کا تودہ گرنے سے 12 افراد جاں بحق

دیر بالا: دیر بالا کے علاقے پاتراک میں مٹی کا تودہ گرنے سے ایک ہی خاندان کے 12 افراد جاں بحق ہو گئے۔

پولیس کے مطابق اس المناک واقعے میں 2 خواتین، ایک مرد اور 9 بچے جاں بحق ہوئے۔ یہ خاندان رات کے وقت گھر میں موجود تھا جب مٹی کا تودہ ان پر آ گرا۔

واقعے کی اطلاع ملتے ہی پولیس اور امدادی ٹیمیں فوری طور پر موقع پر پہنچیں اور ملبے سے نعشوں کو نکال کر ہسپتال منتقل کیا۔ تاہم رات کے اندھیرے اور بارش کی وجہ سے ریسکیو آپریشن میں کافی مشکلات کا سامنا رہا۔