اسلام آباد ہائیکورٹ اور کچہری کی تمام عدالتیں تا حکم ثانی بند

تفصیلات کے مطابق  اسلام آباد ہائیکورٹ میں وکلاء کے احتجاج اور توڑ پھوڑ کا معاملے پر  چیف جسٹس اطہرمن اللہ نے حکم جاری کر دیا، اسلام آباد ہائیکورٹ اور کچہری کی تمام عدالتیں تاحکم ثانی بند رہیں گی۔ چیف جسٹس اطہر من اللہ اسلام آباد ہائیکورٹ سے روانہ ہوگئے۔

عدالتی عملہ کے مطابق  اسلام آباد ہائی کورٹ کی عدالتیں تا حکم ثانی بند رہیں گی،ڈسٹرکٹ کورٹس کی عدالتیں بھی تاحکم ثانی بند رہیں گی،اسلام آباد ہائی کورٹ کے چیف جسٹس اطہر من اللہ نے احکامات جاری کیے ہیں۔

واضح رہے کہ  ضلع کچہری میں تعمیر اپنے غیر قانونی چیمبرز گرانے پر وکلاء نے احتجاج کرتے ہوئے اسلام آباد ہائیکورٹ میں توڑ پھوڑ کی تھی۔