پاسنگ مارکس میں تبدیلی ، نتائج کا اعلان نمبروں کی بجائے گریڈنگ سسٹم سے ہو گا

پاسنگ مارکس میں تبدیلی ،امتحانا ت  میں پاس ہونے کا نیا طریقہ کار متعارف، نتائج کا اعلان نمبروں کی بجائے گریڈنگ سسٹم کے تحت ہو گا۔
اسلام آباد : وفاقی وزارت تعلیم نے ملک میں امتحانات میں پاس ہونے کانیا گریڈنگ سسٹم متعارف کردیا، امتحانی نتائج نمبروں کی بجائے گریڈنگ سسٹم کے تحت دیے جائے گے، پاسنگ مارکس میں اضافہ کر دیا گیا،وزارت تعلیم نے گریڈنگ سسٹم کے متعلق اعلامیہ جاری کر دیا۔
وزارت تعلیم کی جانب سے جاری کردہ اعلامیے کے مطابق اب ملک بھر میں  امتحانات کے نتائج گریڈنگ سسٹم کے تحت دیے جائے گے،اور پاسنگ مارکس بھی 33 فیصد سے بڑھ کر 40 فیصد  ہو گئے ہیں اب طالب علم کو امتحان میں پاس ہونے کےلیےامتحان میں 40 فیصد نمبرز حاصل کرناہوں گے۔ 
اعلامیے کے مطابق گریڈنگ سسٹم پہلے مرحلے میں نویں اور گیارھویں جماعت پر لاگو ہو گا۔طالب علم کو جاری کردہ رزلٹ کارڈ کے اوپر اب نمبروں کی بجائے گریڈنگ پوائنٹ  یا سی جی پی اے درج ہو گا۔ 
جاری کردہ اعلامیے کے مطابق سات پوائنٹس گریڈنگ سسٹم کی جگہ اب 10 پوائنٹ گریڈنگ سسٹم ہو گا ۔جن میں اے پلس پلس،اے پلس، اے  بی پلس پلس،بی پلس اور بی گریڈ ہو گا۔