مولانا فضل الرحمان نے حکومت کو جسٹس منصور علی شاہ کا بطور چیف جسٹس تقرری کا نوٹیفیکیشن جاری کرنے کا مشورہ دے دیا۔

تفصیلات کے مطابق حکومت اور اتحادیوں کی جانب سےآئینی ترمیم کے لیے  مولانا فضل الرحمان کو منانے کی کوشش کی جا رہی ہے مولانا کے اصرار کی وجہ سے حکومت اور پیپلزپارٹی فی الحال آئینی عدالت کے قیام سے پیچھے ہٹ گئے ہیں۔

تاہم میڈیا رپورٹس کے مطابق حکومت نئے چیف جسٹس کی تقرری بذریعہ پینل کرنا چاہتی یے مگر مولانا فضل الرحمان نے اس حوالے سے حکومت کومشورہ دیا ہے کہ وہ جلد از جلد نئے چیف جسٹس کی تقرری کا نوٹیفیکیشن جاری کرے،اگلے چیف جسٹس کے نوٹیفیکیشن میں تاخیر سے مزید مسائل پیدا ہوں گے۔

ذرائع کا کہنا ہے سابق وزیر اعظم نواز شریف نے مولانا کی تجویز  پرغور کرنے کی یقین دہانی کروائی ہے۔

لاہور میں چوری کی بڑی واردات، چور کروڑوں مالیت کی نقدی اور زیور لوٹ کر فرار ہو گئے

پولیس کے مطابق ساندہ میں ہونے والی چوری کی واردات میں تقریباً 16کروڑ 5 لاکھ روپے نقصان کا اندازہ لگایا گیا ہے، واقعے کے وقت اہلخانہ گھر سے باہر تھے، چور زیورات اور نقدی لے کر فرار ہو گئے۔

پولیس کا کہنا ہے کہ چور کچن کے بیرونی دروازے کی جالی کاٹ کر گھر میں داخل ہوئے، گھر سے 575 تولہ زیورات، 150 تولہ چاندی اور 40 لاکھ نقدی لوٹی گئی۔

ایف آئی آر میں مدعی نے بتایا کہ چوری کی واردات کے وقت میرا اور بہنوں کا زیور والدین کے گھر پڑا تھا، چور سارا زیور اور نقدی لیکر فرار ہو گئے۔

طالبہ سے مبینہ زیادتی سے متعلق وائرل خبرکی تحقیقات کے لیے جے آئی ٹی تشکیل دے دی گئی۔

محکمہ داخلہ پنجاب نے معاملے کے تحقیقات کےلیے جے آئی ٹی تشکیل دی۔ جے آئی ٹی ایس ایس پی انوسٹی گیشن محمد نوید کی سربراہی میں تشکیل دی گئی ہے۔ چھ رکنی ٹیم میں تین پولیس افسر اور تین حساس اداروں کے نمائندے شامل ہیں۔ مشترکہ تحقیقاتی کمیٹی تھانہ ڈیفنس اے میں درج مقدمے کی تفتیش کرے گی۔

تحقیقات میں سوشل میڈیا پر ریاست مخالف اکسانے کی ترغیب دینے والوں کی نشاندہی کی جائےگی اور سوشل میڈیا پر لڑکی کی ساکھ کو نقصان پہنچانے والوں کا بھی سراغ لگایا جائے گا۔ ایس ایس پی محمد نوید نے مشترکہ تحقیقاتی کمیٹی کا پہلا اجلاس آج طلب کرلیا۔

کالج پرنسپل کی درخواست پر درج مقدمے میں کہا گیا ہے کہ شک ہے اس معاملے میں دو طلبا کا کردار ہوسکتا ہے، ان طلبا کو ویڈیوز بنانے سے روکنے کے لیے وائس پرنسپل نے تنبیہ کی تھی، سوشل میڈیا پر اس پروپیگنڈے کے بعد ایک بےقابو اور پرتشدد ہجوم نے ہمارے کیمپس پر حملہ کیا۔

علاوہ ازیں جوڈیشل مجسٹریٹ نے نجی کالج کیس کی خبر وائرل کرنے کے کیس میں ایک ملزم کو مقدمے سے ڈسچارج کرنے کا حکم جاری کردیا جب کہ  کالج واقعات کی تحقیقات کے کیس میں آج آئی جی اور ایڈووکیٹ جنرل پنجاب کو لاہور ہائیکورٹ میں طلب کیا گیا ہے۔