مقامی حکام کی جانب سے بتایا گیا کہ حادثہ 26 اکتوبر کو میکسیکو کی وسطی ریاست زکاٹیکاس میں  پیش آیا جہاں ایک مسافر بس ہائی وے پر ٹریکٹر سے ٹکرا کر گہری کھائی میں گر گئی۔

حکام کے مطابق حادثے سے 19 مسافر موقع پر ہی جاں بحق ہو گئے جبکہ اس دوران متعدد مسافر زخمی بھی ہوئے جن کو قریبی اسپتال میں منتقل کر دیا گیا جہاں ان کو طبی امداد فراہم کی جا رہی ہے۔

میڈیا رپورٹس کے طابق بس امریکا اور میکسیکو کی سرحد پر واقع شہر سیوداد جواریز کی جانب جا رہی تھی۔ حکام کا کہنا ہے کہ  متاثرین میں سے کوئی بھی تارکین وطن نہیں تھا۔

کراچی میں پاکستان تحریک انصاف (پی ٹی آئی) کے سابق رکن قومی اسمبلی عالمگیر خان کو گرفتار کرلیا گیا ہے۔

پولیس کے مطابق سابق ایم این اے کو 4 افراد سمیت کراچی پریس کلب کے باہر سے حراست میں لیا گیا۔

فکسٹ اٹ ٹیم کے سربراہ فلسطین سے اظہاریکجہتی کے لیے پریس کلب آئے تھے۔ پولیس نے گرفتاری کے بعد عالمگیر خان کو آرٹلری میدان تھانے منتقل کردیا۔

بلوچستان کے ضلع مستونگ کے اسپلنجی بازار میں سیکیورٹی فورسز نے  اپنی ایک کارروائی کے دوران دہشت گرد کوبارودی مواد اور اسلحہ سمیت  حراست میں لیا۔

تفصیلات کے مطابق دہشت گردوں نے  25 اور 26 اکتوبر کی رات کو اسپلانجی بازار میں 2 افراد کو شہید کیا تھا  جس کے بعد سیکیورٹی فورسز نے علاقے میں سرچ آپریشن شروع کیا۔

آپریشن کے نتیجے میں سیکیورٹی فورسز نے ایک دہشت گرد کو اسلحہ، گولہ بارود اور ایک دوربین سمیت گرفتار کرلیا۔