مقبوضہ کشمیر میں 2 دھماکے، ایک شہری جاں بحق، 3 زخمی

غیر ملکی خبر رساں ادارے کے مطابق   مقبوضہ کشمیر میں 2 دھماکوں کے باعث ایک شہری جاں بحق ہوگئے جبکہ 3زخمی ہوگئے ہیں ۔

دونوں دھماکےمقبوضہ کشمیرجموں ایئرپورٹ کے ہائی سکیورٹی ٹیکنِیکل ایریا میں  ہوئے ہیں ،  دھماکوں کے باعث عمارت کی چھت تباہ ہو گئی  ہے، دھماکوں کے وقت ایئرپورٹ پر اعلیٰ سطح کااجلاس جاری تھا۔

انڈین  ایئر فورس کے آفیشل ٹوئٹر اکاونٹ سے ایک ٹویٹ میں کہا گیا ہےکہ جموں ایئر فورس اسٹیشن کے تکنیکی ایریا میں اتوار کی صبح دو کم شدت والے دھماکے ہوئے ہیں ۔ ایک دھماکے سے  عمارت کی چھت کو معمولی نقصان پہنچا جبکہ دوسرا کھلے علاقے میں ہوا ہے۔ کسی فوجی  سامان کو کوئی نقصان نہیں ہوا۔  سول ایجنسیوں کے ساتھ مل کر تفتیش جاری ہے۔

There was no damage to any equipment. Investigation is in progress along with civil agencies.

— Indian Air Force (@IAF_MCC) June 27, 2021