سکیورٹی  فورسز کی مختلف علاقوں میں کارروائیاں، 13 خوارج ہلاک

سکیورٹی  فورسز نے خیبر پختونخوا کے مختلف علاقوں میں کارروائیاں کرتے ہوئے 13 خوارج کو ہلاک کردیا۔ 

پاک فوج کے شعبہ تعلقات عامہ آئی ایس پی آر کے مطابق شدید فائرنگ کے تبادلے میں میجر محمد اویس نے جام شہادت نوش کیا۔ 

سکیورٹی  فورسز نے بنوں میں خوارج کی موجودگی کی اطلاع پر آپریشن کیا اس دوران خوارج کے ٹھکانے کو مؤثر طریقے سے نشانہ بنایا گیا جہاں 2 خوارج کو جہنم واصل کیا گیا۔

سکیورٹی  فورسز نے جنوبی وزیرستان میں کارروائی کرتے ہوئے 6 خوارج کو ہلاک کردیا جبکہ 8 خوارج زخمی ہوئے۔  

ایک اور انٹیلی جنس بیسڈ آپریشن ضلع شمالی وزیرستان میں کیا گیا جہاں فائرنگ کے تبادلے میں 5 خوارج ہلاک اور 8 زخمی ہوئے، میجر محمد اویس فرنٹ سے آپریشن کی قیادت کر رہے تھے۔

آئی ایس پی آر کا کہنا ہے کہ علاقے میں میں موجود دیگر ممکنہ خوارجیوں کے خاتمہ کیلئے کلیئرنس آپریشن جاری ہے،سکیورٹی   فورسز دہشتگردی کی لعنت کے خاتمے کیلئے  پُر عزم ہیں۔