مولانا فضل الرحمن کی وزیر پیٹرولیم مصدق ملک سے ملاقات

جمیعت   علما اسلام (ف) کے سربراہ مولانا فضل الرحمان نے وفاقی وزیر برائے پٹرولیم و آبی وسائل ڈاکٹر مصدق ملک سے ملاقات کی، جس میں ملکی ترقی اور عوامی مسائل پر تبادلہ خیال کیا گیا۔
تفصیلات کے مطابق سربراہ جے یو آئی مولانا فضل الرحمان سے وفاقی وزیر ڈاکٹر مصدق ملک کی ملاقات ہوئی، اس موقع پر انجینئر ضیا الرحمان بھی موجود تھے۔
اس موقع پر ڈاکٹر مصدق ملک نے کہا کہ حکومت عوامی فلاح کے لیے تمام وسائل بروئے کار لا رہی ہے۔
ملاقات کے دوران مولانا فضل الرحمان نے اپنے حلقے میں جاری منصوبوں پر تجاویز دیں، ترقیاتی منصوبوں کو جلد پایہ تکمیل پر پہنچانے کے عزم کا اعادہ کیا گیا۔

مصدق ملک نے مولانا فضل الرحمان سے خیریت دریافت کی اور ان کی جلد صحت یابی کی دعا کی، وفاقی وزیر نے سربراہ جے یوآئی کیلئے  نیک خواہشات کا اظہار کیا،ملاقات میں ملکی ترقی اور عوامی مسائل پر تبادلہ خیال  بھی کیا گیا۔