لاہور:باٹاپور میں جائیداد کے تنازع پر فائرنگ سے 2 افراد قتل

لاہور: صوبائی دارالحکومت لاہورکے علاقے باٹا پور، جلو موڑ کے قریب جائیداد کے تنازعہ پر فائرنگ فائرنگ کی زد میں آ کر 2 افراد ہلاک جبکہ ایک زخمی ہو گیا۔
لاہورپولیس کے مطابق ہلاک ہونے والے افراد میں 34 سالہ سیف اسلم اور 25 سالہ ارسلان اقبال شامل ہیں،جبکہ زخمی ہونے والے  کی شناخت مرسلین کے نام سے ہوئی، جاں بحق افراد کی لاشوں اور زخمی کو گھرکی ہسپتال منتقل کردیا گیا۔
پولیس کا کہنا ہےکہ فائرنگ میں ملوث 3 ملزمان کو گرفتار کرلیا گیا ہے، دونوں فریقین آپس میں سوتیلے بھائی ہیں، جائیداد کے تنازع پر فائرنگ ہوئی، دونوں فریقین کا ایک، ایک فرد قتل ہوا، جائے وقوعہ سے شواہد اکٹھے کر لئے ہیں، واقعہ کے حوالے سے مختلف پہلوؤں پر تحقیقات کی جا رہی ہیں۔